Ağ fon və konseptual fon

Hansı məhsula hansı fon uyğun gəlir?

Onlayn satışda ilk diqqəti çəkən şey — fotodur. İnsanlar məhsulun texniki xüsusiyyətlərinə baxmazdan əvvəl şəkilə baxır. Yəni foto — sizin satış nümayəndənizdir. Amma bir məsələ var ki, çoxları bu seçimdə çaşır: məhsulu ağ fonda çəkim, yoxsa konseptual fonda?

Bu yazıda həm Trendyol, Amazon, Umico kimi platformalarda hansı fonun işə yaradığını, həm də sosial şəbəkələrdə markanıza hansı fonun dəyər qatdığını bölüşəcəm.

Ağ fonda çəkilmiş minimal dizaynlı məhsul fotoqrafiyası – e-ticarət üçün ideal

Trendyol və Umico satış platformalarına uyğun təmiz ağ fonda məhsul şəkli

Aydın işıqlandırma ilə ağ fonda çəkilmiş peşəkar məhsul fotosu

Ağ fon nə zaman istifadə olunmalıdır?

Ağ fon — klassikdir. Təmizdir. Bütün diqqəti məhsulun özünə yönəldir. Əsas üstünlüyü isə ondan ibarətdir ki, bütün e-ticarət platformaları bunu tələb edir.

Hansı platformalarda ağ fon vacibdir?

Trendyol
Amazon
Umico
AliExpress

Bu platformalarda fonun sadə, neytral və məhsula fokuslanmış olması satışa və qəbul prosesinə birbaşa təsir edir.

Ağ fonun üstünlükləri:

Təmiz və diqqətçəkən vizual
Saytlarda daha tez qəbul edilir
Fotoşopda daha rahat işlənir
Məhsul kataloqlarında bir-birinə uyğun görünür

Amma bir nüans var: düzgün işıqlandırılmayanda və ya ağ yer “boz” düşəndə şəkil ucuz görünə bilər. Bunu nəzərə almaq vacibdir.

Pastel nude fonda yerləşdirilmiş dekorativ kosmetika məhsulları – estetik brend vizualı

Dəri tonlarına uyğun yumşaq rəng palitrasında çəkilmiş kosmetika məhsulu fotosu

Minimalist və harmonik pastel fonda vizual olaraq cazibədar kosmetik məhsullar

Konseptual fon nə vaxt daha uyğun gəlir?

Əgər məqsədiniz təkcə satmaq yox, marka hekayəsi danışmaqdırsa, konseptual fon daha güclü işləyir. İnsanlar bu cür fotolarda məhsulu həyat tərzinin bir parçası kimi görür.

Konseptual fon harada işləyir?

Instagram və Facebook postları
Reklam kampaniyaları
Brend saytları və afişalar
Yaradıcılıq və emosiya tələb edən məhsullar (parfüm, əl işi, aksesuarlar və s.)

Konseptual fonun üstünlükləri:

Brend emosiyası yaradır
Müştərinin yaddaşında qalır
Rəqabətdə sizi fərqləndirir
Kreativ yanaşma ilə məhsula “ruh” verir

Məsələn, qış üçün termofincan satırsınızsa, onu sadəcə ağ fonda yox, isti tonlu fon, yorğan, kitab və buxarlanma effekti ilə təqdim etmək daha inandırıcıdır.

Dinamik sarı və qırmızı kontrast fonda yerləşdirilmiş məişət elektronikası məhsulu

Yüksək enerjili rəngli fonda təqdim olunan məhsul qutusu – konseptual reklam fotosu

Kontrastlı iki rəngli fon üzərində çəkilmiş brend üçün fərqləndirici məhsul fotosu

Nəticə: Hansını seçməli?

Yalnız satış platformalarına yerləşdirəcəksinizsə — ağ fon daha düzgündür.
Brendinizi emosional və vizual olaraq gücləndirmək istəyirsinizsə — konseptual fon istifadə edin.
Ən ideal yol: Hər iki versiyanı çəkmək. Eyni məhsul üçün həm sadə, həm də yaradıcı foto, sizə çox yönlü istifadə imkanı verir.