Vizualın Anatomiyası — #8: Bernesso Bir Məhsul, İki Funksiya

1. Konsept — Məhsulun funksiyasını bir kadrda göstərmək

Bu fotonun əsas ideyası məhsulun iki fərqli istifadə formasını bir vizual hekayəyə çevirmək idi.

Sağ tərəfdə əsas cihazı tam formada göstərmişəm. Sol tərəfdə isə onun ayrılan ütü altlığını havada saxlayaraq məhsulun başqa funksiyasına vizual işarə yaratmışam.

Burada məqsəd sadəcə “məhsul havada uçur” effekti yaratmaq deyildi.

Əsas fikir belə idi:

Bir cihaz → iki istifadə forması → bir vizual hekayə.

Surrealistik yanaşma burada funksional məlumatı daha maraqlı formada təqdim etməyə kömək edir. İzləyici ilk baxışda qeyri-adi kompozisiyanı görür, sonra isə gözünə çarpan detalları araşdıraraq məhsulun quruluşunu və funksiyasını anlamağa başlayır.

Bu, məhsul fotoqrafiyasında mənim üçün vacib prinsipdir:

Kreativlik yalnız görüntünü gözəlləşdirmək üçün deyil, məhsul haqqında məlumat vermək üçün də istifadə oluna bilər.

2. Kompozisiya — Havada olan detal təsadüfi deyil

Kadrın ən diqqət çəkən hissələrindən biri sol tərəfdə havada yerləşdirdiyim ütü altlığıdır.

İlk baxışda bu detal sanki məhsuldan ayrılıb havada dayanır. Əslində isə onun kadrdakı mövqeyi kompozisiyanın əsas hissəsidir.

Əsas məhsulu sağ aşağı hissədə yerləşdirməklə ona vizual ağırlıq vermişəm. Sol tərəfdəki ayrılmış hissə isə həmin ağırlığı balanslaşdırır.

Beləliklə, kadra iki əsas vizual kütlə yaranır:

sağda — əsas məhsul,
solda — onun funksiyasını izah edən ayrılmış hissə.

Bu iki element arasında yaranan boşluq isə fotoya nəfəs verir və surrealistik hissi gücləndirir.

Əgər hər iki hissə bir-birinə çox yaxın yerləşdirilsəydi, məhsul sadəcə iki hissədən ibarət adi kompozisiya kimi görünə bilərdi. Aradakı boşluq isə “ayrılma” hissini daha aydın göstərir.

3. Vizual istiqamət — Göz haradan başlayır?

Kompozisiyada əsas qəhrəman sağ tərəfdəki tam məhsuldur.

Onun ölçüsü, yerləşməsi və aşağı hissədəki əksi ilk vizual dayanacaq nöqtəsini yaradır.

Daha sonra göz yuxarı və sola doğru hərəkət edərək havada olan ütü altlığına keçir.

Bu iki obyekt arasındakı əlaqə izləyicinin beynində məhsulun necə işlədiyi ilə bağlı sual yaradır.

Yəni kompozisiya sadəcə:

“Burada iki obyekt var.”

demir.

Əksinə:

“Bu iki obyekt bir-biri ilə necə əlaqəlidir?”

sualını yaradır.

Mənim üçün yaxşı kommersiya fotosunun maraqlı tərəfi də məhz budur — görüntü məhsulu göstərməklə kifayətlənməməli, izləyicini onu bir neçə saniyə daha araşdırmağa vadar etməlidir.

4. İşıqlandırma — Qaranlıq fonun içində məhsulu formalaşdırmaq

Bu vizualda qara fon təsadüfi seçim deyil.

Qara fon məhsulun rəngini, formasını və xüsusilə metalik səthlərini daha güclü göstərmək üçün istifadə olunub.

Bernessa cihazının rose-gold / bronze metal səthi qara fonun üzərində çox yaxşı ayrılır.

İşıqlandırmada əsas məqsəd məhsulu hər tərəfdən bərabər işıqlandırmaq yox, onun formasını işıq və kölgə ilə modelləşdirmək idi.

Metalik səthlərdə bunu etmək xüsusilə vacibdir. Çünki metal məhsula birbaşa işıq vermək çox asanlıqla nəzarətsiz parıltılar və xoşagəlməz reflection-lar yarada bilər.

Bu səbəbdən işığı səthin üzərində kontrollu şəkildə yerləşdirərək:

• metalik kənarları vurğulamışam;
• məhsulun üçölçülü formasını qorumuşam;
• qızılı/bronze səthin teksturasını göstərmişəm;
• qara hissələri fonun içində tam itirməmişəm.

Nəticədə məhsul qaranlıq fondan ayrılır, amma eyni zamanda dramatik atmosfer qorunur.

5. Ağ ütü altlığı — İşıq və kontrast

Sol tərəfdəki açıq rəngli ütü altlığı kompozisiyada əlavə kontrast yaradır.

Əsas gövdənin tünd və metalik rəngindən fərqli olaraq, bu hissənin açıq səthi işığı daha geniş və yumşaq qəbul edir.

Bu detal kompozisiyada həm rəng kontrastı, həm də forma kontrastı yaradır.

Eyni zamanda onun üzərindəki kiçik deşiklər və texniki detalların görünməsi məhsulun funksional xarakterini daha da gücləndirir.

Beləliklə, bu hissə yalnız dekorativ element deyil — məhsulun texniki tərəfini də vizual olaraq göstərir.

6. Buxar — Funksiyanı atmosferə çevirmək

Fotodakı buxar mənim üçün sadəcə atmosfer yaratmaq üçün istifadə olunan effekt deyil.

Buxar birbaşa məhsulun funksiyası ilə əlaqəlidir.

Əgər buxar olmasaydı, cihazın garment steamer kimi istifadəsi yalnız məhsulun formasından anlaşılacaqdı.

Buxar isə izləyiciyə çox daha sürətli vizual mesaj verir:

Bu cihaz geyim üzərində buxarla işləyir.

Eyni zamanda qara fonda görünən yumşaq buxar kadra dərinlik əlavə edir və məhsulun texnoloji görünüşünü daha dramatik edir.

Burada funksional element eyni zamanda estetik elementə çevrilir.

7. Reflection — Məhsulu səhnəyə bağlamaq

Əsas məhsulun altında görünən əks də kompozisiyanın vacib hissələrindən biridir.

Surrealistik yanaşmada məhsulu tamamilə havada göstərmək mümkün idi. Amma mən əsas məhsulun aşağı hissəsində reflection istifadə edərək onu vizual olaraq səthə bağlamışam.

Bu iki nəticə verir:

Birincisi: məhsulun real olduğunu hiss etdirir.

İkincisi: kadra əlavə dərinlik və premium reklam estetikası verir.

Reflection həmçinin əsas məhsulun aşağı hissəsində ikinci vizual forma yaradaraq onun kompozisiyadakı çəkisini artırır.

8. Rəng harmoniyası — Qara, ağ və rose-gold

Bu fotoda rəng palitrasını mümkün qədər məhdud saxlamışam.

Əsas rənglər:

• Qara
• Ağ
• Rose-gold / bronze

Bu üçlük məhsulun həm texnoloji, həm də premium xarakterini dəstəkləyir.

Qara fon məhsula dramatiklik verir.

Ağ ütü altlığı texniki və funksional tərəfi vurğulayır.

Rose-gold isə məhsula daha premium və zərif görünüş əlavə edir.

Əgər fonda çoxlu başqa rənglər olsaydı, məhsulun öz rəng harmoniyası zəifləyə bilərdi. Minimal rəng palitrası isə bütün diqqəti məhsulun özünə qaytarır.

9. Minimalizm və Negative Space

Kadrda kifayət qədər böyük qara boşluq saxlamışam.

Bu boşluq ilk baxışda “istifadə olunmamış yer” kimi görünə bilər. Əslində isə məhsul fotoqrafiyasında negative space çox vacib kompozisiya alətidir.

Boşluq:

• məhsula nəfəs verir;
• məhsulun formasını daha aydın göstərir;
• surrealistik hissi gücləndirir;
• diqqəti əsas obyektlərdən yayındırmır.

Həmçinin belə bir kompozisiya reklam və banner dizaynında sonradan mətn yerləşdirmək üçün də istifadə oluna bilər.

10. Surrealizm burada niyə işləyir?

Adi məhsul fotosunda ütü səth üzərində dayanır və biz onu olduğu kimi görürük.

Bu fotoda isə mən real dünyadakı qaydaları dəyişmişəm.

Məhsulun hissəsi havada dayanır.

Bu qeyri-real vəziyyət izləyicinin diqqətini dərhal çəkir.

Amma burada surrealizm sadəcə effekt üçün istifadə olunmur. O, məhsulun funksional üstünlüyünü vizual metaforaya çevirir.

Məhsulun hissələrinin ayrılması onun çoxfunksiyalı quruluşunu göstərir.

Yəni surrealizm burada reklam dilinin bir hissəsinə çevrilir.

11. Bu fotonun əsas vizual mesajı

Bu görüntünü bir cümlə ilə ifadə etsəm:

“Bir cihaz, fərqli istifadə imkanları — texnologiya və funksionallıq bir məhsulda.”

Mənim üçün yaxşı məhsul fotosu məhz bu nöqtədə başlayır.

Foto yalnız məhsulun necə göründüyünü göstərmir. Onun nə etdiyini, necə istifadə olunduğunu və hansı hissi yaratmalı olduğunu da vizual şəkildə izah edir.